Mola Koi Gham Na De Write Up 2017 Meusm Abbas

بسم الله الرحمن الرحيم
In the name of Allah, the Beneficent, the Merciful

MOLA KOI GHAM NA DE

MAULAAYION…!

HUSSAINIYON…!

Rab Ka Hai Ye Karam

Tum Ho DUA E FATIMA

SHABBIR Ki Kasam!

Apne Ghamon Ko Bhool Ke

Karte Ho Sheh Ka Gham…

 

MOLA KOI GHAM NA DE SIWAYE GHAM E HUSSAIN…!

 

Aaye Ho Tum Jahaan Main, Baraaye Gham e Hussain!

  1. Karte Ho Tum Aza-e-Shahenshah e Karbala

Milti Hai Tumko FATIMA ZEHRA Se Ye Dua

Tum Par Hui Hai Ye Bhi, Tum Per Hui Hai Ye Bhi

Ata-e-Gham e Hussain…

 

MOLA KOI GHAM NA DE SIWAYE GHAM E HUSSAIN…!

 

  1. Sab Ko Hussaini Maa’on Ne Hairaan Kardiya

Sheh Ki Aza Pe Baiton Ko Qurban Kardiya

Jin Maa’on Ne Bachayi, Jin Maa’on Ne Bachayi

Sada-e-Gham e Hussain…

 

MOLA KOI GHAM NA DE SIWAYE GHAM E HUSSAIN…!

 

  1. Baitte Na Apne Ghar Main Shahadat Ke Khauff Se

Sar Pe Kafan Pehen Ke Julooson Main Jo Chalay

Jo Apni Jaan De Ke, Jo Apni Jaan De Ke,

Bachaye Gham e Hussain…

 

MOLA KOI GHAM NA DE SIWAYE GHAM E HUSSAIN…!

 

  1. Qayim Rakhe Khuda Meri Behno Ka Hausla

Matam Rida-e-ZAINAB o KULSOOM Ka Kiya

Orhe Raheen Sarron Pe, Orhe Raheen Sarron Pe

Rida-e-Gham e Hussain…

 

MOLA KOI GHAM NA DE SIWAYE GHAM E HUSSAIN…!

 

  1. Paani Pilaaye Pyaason Ko Jo Bhi Sabeel Se

Nazro Niyaz Hazari Maula Ki Jo Karay

Jo Sab Luta Ke Apna, Jo Sab Luta Ke Apna

Nibhaaye Gham e Hussain…

 

MOLA KOI GHAM NA DE SIWAYE GHAM E HUSSAIN…!

 

  1. Shayar Ho Matami Ya Koi Soz Khaan Ho

Zakir Ho Vo HUSSAIN Ka Ya Nauhakhan Ho

Farshe Aza Pe Jo Bhi, Farshe Aza Pe Jo Bhi

Sunaaye Gham e Hussain…

MOLA KOI GHAM NA DE SIWAYE GHAM E HUSSAIN…!

 

  1. ABBAS-e-BAWAFA Ke Alam Ko Sajaye Jo

Taboot FATIMA Ke Pisar Ka Uthaaye Jo

Ghar Main Bichaye Farshe, Ghar Main Bichaye Farshe

Aza-e-Gham e Hussain…

 

MOLA KOI GHAM NA DE SIWAYE GHAM E HUSSAIN…!

  1. Karte Hain Sheh Ki MESUM o SALMAN Naukari

Hai Waqf Zikr-e-Karbobala Main Ye Zindagi

Dete Rahainge Hum Ye, Dete Rahainge Hum Ye

Dua-e-Gham e Hussain!

 

Mesum Abbas
Poetry: Salman Azmi
Composition: Mesum Abbas, Zille Raza Zaidi
Cinematography: Ali Arman Baltistani (TNA Productions)
Digital Rights Reserved By: Mesum Abbas & Mobitising