Aaj Bhi Zainab Mir Hasan Mir Nohay Write Up

Aaj Bhi Zainab

Aaj bhi zainab ki aati hai sada bhai hussain
tera chehra teri aankhein bhool kab payi hussain

Chalte naaqe se giraya khud ko jalti rayt par
ghutniyo ke bal mai teri laash tak aayi hussain

Bas mai ghabrayi thi khanjar tujhpe chalta dekh kar
phit kisi mushkil may ghir kar mai na ghabrayi hussain

Kaun tha jo marne walon may nahi tha khubaru
bhoolne baithi to kis kis ki na yaad aayi hussain

Beh rahe thay aankh se aansu teri ruqsat ke waqt
phir koi aansu na tapka aankh pathrayi hussain

Haath may kooze liye sab aasman takte rahe
abr ne ek boodh pani ki na barsayi hussain

Door uftada safar se laut kar maine naved
thanda pani jab piya bas teri yaad aayi hussain